Ævintýri á öldunum.

Námskeið í siglingum og róðri fyrir 9 – 12 ára (fædd  2005 – 2008)

Spennandi og skemmtilegt námskeið þar sem þátttakendur læra tökin á mismunandi bátum, læra um öryggisatriði og notkun björgunarvesta. Námskeiðið er hlaðið spennu og ævintýrum. Þátttakendur munu takast á við nýjar og spennandi áskoranir á hverjum degi. Námskeiðið er tilvalið fyrir þá sem vilja taka þátt í starfsemi Vatnasportklúbbs Siglunes.

Markmið námskeiðs

Að þátttakendur læri grunnatriði siglinga og róðurs.

Bátar

Siglt er litlum seglbátum, róið á kajökum, opnum kajökum og árabátum.

Klæðnaður

Þátttakendur þurfa að vera klæddir í hlý og skjólgóð föt og hafa meðferðis aukaföt og nesti. Hægt er að hita mat í örbylgjuofni og grilla samlokur.

Öryggisatriði

Á námskeiðinu læra allir þátttakendur hvernig á að velja sér björgunarvesti og klæðast því á réttan hátt. Gæslubátar fylgjast með allri starfsemi á sjó og eru alltaf til taks. Þátttakendur í starfi Siglunes eru alltaf undir eftirliti starfsfólks. Allir starfsmenn fara á skyndihjálparnámskeið og á öryggis- og fræðslunámskeið Sigluness á hverju ári.