Ævintýri á öldunum.

Skráning á námskeiðin og í vatnasportklúbbinn hefst fimmtudaginn 4. maí kl. 10:00 á fristund.is

 

Námskeið í siglingum og róðri fyrir 9 – 12 ára. Fyrir börn fædd  2011 – 2014.

Námskeiðið heitir:  Siglingar róður ævintýri.

Markmið námskeiðs: Að þátttakendur læri grunnatriði siglinga og róðurs.

Um námskeiðið: Spennandi og skemmtilegt námskeið þar sem þátttakendur læra tökin á mismunandi bátum, læra um öryggisatriði og notkun björgunarvesta. Námskeiðið er hlaðið spennu og ævintýrum. Þátttakendur munu takast á við nýjar og spennandi áskoranir á hverjum degi. Námskeiðið er tilvalið fyrir þá sem vilja taka þátt í starfsemi Vatnasportklúbbs Siglunes.

Bátar: Siglt er á seglbátum, róið á kayökum, kanóum og árabátum.

Klæðnaður: Þátttakendur þurfa að vera klæddir í hlý og skjólgóð föt og hafa meðferðis aukaföt og nesti. Hægt er að hita mat í örbylgjuofni og grilla samlokur.

Námskeiðin eru 3 klukkutímar á dag og eru námskeiðin haldin fyrir hádegi kl. 9:00 – 12:00 og eftir hádegi kl. 13:00 – 16:00.

Námskeiðin eru 5 dagar frá mánudegi  – föstudags.

Dagssetningar: 12. –16. júní , 19. – 23. júní, 26. – 30. júní, 3. – 7. júlí, 10. – 14. júlí, 17. – 21. júlí, 24. – 28. júlí.

Verð kr.

Öryggisatriði: Á námskeiðinu læra þátttakendur hvernig á að velja sér björgunarvesti og klæðast því á réttan hátt.

Allir þátttakendur verða að klæðast björgunarvesti út á sjó, á bryggjunni og í heita pottinum.

Þátttakendur í starfi Siglunes eru alltaf undir eftirliti starfsfólks.

Gæslubátar fylgjast með allri starfsemi á sjó og eru alltaf til taks.

Allt starfsfólk Siglunes fer á skyndihjálparnámskeið og öryggis- og fræðslunámskeið Siglunes  samtals 40 klst. á hverju ári.