12

Siglunes.

411-5340
siglunes@reykjavik.is

Höldum til hafs!

Siglunes er ævintýramiðstöð við sjóinn þar sem hressum og kjörkuðum krökkum gefst kostur á að finna kröftum sínum og ævintýraþrá farveg. Á sumrin er boðið uppá siglinganámskeið fyrir börn og unglinga á aldrinum  9–12 ára og siglingaklúbb fyrir 10–16 ára unglinga sem hafa áhuga og reynslu af siglingum og öðru bátasporti.

Afar rík áhersla er lögð á þjálfun starfsfólks. Starfsfólk hefur mikla þekkingu og reynslu á viðfangsefni námskeiðanna og er þjálfað í skyndihjálp og notkun báta og búnaðar sem notaður er á námskeiðunum. Starfsfólk Sigluness leggur áherslu á að öllum þátttakendum í starfinu líði vel og að dagskrá námskeiðanna sé fjölbreytt, þroskandi og skemmtileg.

Gjaldskrá

Siglingar, róður, ævintýri: 5 dagar: 12.000,- kr.
* Siglingar, róður, ævintýri: 4 dagar: 9.600,- kr.
Vatnasportklúbbur Siglunes: 5 dagar: 8.600,- kr.
* Vatnasportklúbbur Siglunes: 4 dagar: 6.900,- kr.

Skráning hefst þriðjudaginn
28.apríl 2026 kl.12:00

Siglingar, róður, ævintýri

Athugaðu að skráningarsíðan mun ekki sýna námskeiðið fyrr en kl. 12:00, þriðjudaginn 28.apríl þegar skráning hefst. Þegar skráningarsíðan er orðin virk er hægt að velja námskeiðsvikuna.

Skráning hér!

Vatnasportsklúbburinn

Athugaðu að skráningarsíðan mun ekki sýna námskeiðið fyrr en kl. 12:00, þriðjudaginn 28.apríl þegar skráning hefst. Þegar skráningarsíðan er orðin virk er hægt að velja námskeiðsvikuna.

Skráning hér!

Dagsetngar 2026

15. júní – 19. júní *

22. júní – 26. júní

29. júní – 3. júlí

06. júlí – 10. júlí

13. júlí – 17. júlí

20. júlí – 24. júlí

27. júlí – 31. júlí

04. ágúst – 7.águst *

* Fjórir dagar

Siglingar, róður, ævintýri.

Námskeið í siglingum og róðri fyrir 9 – 12 ára. 

Lýsing: Spennandi og skemmtilegt námskeið þar sem þátttakendur læra tökin á mismunandi bátum, læra um öryggisatriði og notkun björgunarvesta.

Námskeiðið er hlaðið spennu og ævintýrum þar sem þeir takast á við nýjar og spennandi áskoranir á hverjum degi og kynnast ýmsum tegundum af bátum og virkni þeirra. Á námskeiðinu læra þátttakendur hvernig á að velja sér björgunarvesti og klæðast því á réttan hátt.

Markmið námskeiðs: Að þátttakendur læri grunnatriði siglinga og róðurs.

Bátar: Siglt er á seglbátum, róið á kayökum, kanóum og árabátum.

Námskeið eru frá mánudegi til föstudags.
• Fyrir hádegi 09:00 – 12:00
• Eftir hádegi 13:00 – 16:00.

Vatnasportklúbbur Siglunes

Siglingaklúbbur fyrir 10 – 16 ára

Lýsing: Vatnasportklúbburinn er fyrir þá sem hafa farið á námskeið, eða eru vanir að sigla og róa, og/eða hafa mikinn áhuga á að kynnast vatnasporti og ævintýrum.

Klúbbfélagar eru undir eftirliti starfsfólks Siglunes sem sér um að leiðbeina og gefa góðar ráðleggingar svo að allir geti bætt færni sína. Klúbbfélagar verða að klæðast björgunarvesti út á sjó, á bryggjunni og í heita pottinum.

Vinsamlega athugið að vatnasportklúbburinn er ekki siglinga- og róðranámskeið. Klúbbfélagar ákveða í samráði við starfsfólk hvaða bátum þeir sigla eða róa hverju sinni.

Bátar: Klúbbfélagar hafa daglega aðgang að seglbátum, kayökum, kanóum, róðrabrettum (SUP) og árabátum.

Opið fyrir klúbbara mánudaga til föstudaga
• Eftir hádegi 13:00 – 17:00.

Nánari upplýsingar fyrir foreldra eru hér

Öryggisatriði og nánari upplýsingar fyrir aðstandendur

  • Allir þátttakendur verða að klæðast björgunarvesti út á sjó, á bryggjunni og í heita pottinum.
  • Þátttakendur í starfi Siglunes eru alltaf undir eftirliti starfsfólks.
  • Gæslubátar fylgjast með allri starfsemi á sjó og eru alltaf til taks.
  • Allt starfsfólk Siglunes fer á skyndihjálparnámskeið og öryggis- og fræðslunámskeið Siglunes  samtals 40 klst. á hverju ári.
  • Klæðnaður: Þátttakendur þurfa að vera klæddir í hlý og skjólgóð föt og hafa meðferðis aukaföt og nesti.

Aðstaða

  • ÖRYGGI

    Í Siglunesi er öryggið í fyrirrúmi og hér eru til björgunarvesti í öllum stærðum og gerðum fyrir þau sem fara út á sjó hjá okkur. Reglan er einföld: Ekkert vesti – engin sjóferð.

  • KLEFAR

    Búningsklefarnir okkar búa yfir bekkjum og snögum.

  • STURTUR

    Einu sturturnar í Siglunesi eru útisturtur.

  • HEITUR POTTUR

    Fiskikarið okkar er að okkar mati, er besti heitapottur landsins. Hér er elduð krakkasúpa mjög reglulega.

  • SALUR

    Í Stofunni er aðstaða til að borða nesti og einnig inni kennsluaðstaðan okkar. Í Stofunni er einnig tjald fyrir skjávarpa.

  • PALLUR

    Á pallinum okkar er oftast skjólsælt og tilvalið að borða þar nesti á góðviðrisdögum.