Næstkomandi miðvikudag, 8. september ætlar SJÓR (Sjósund- og sjóbaðsfélag Reykjavíkur) að gera sér glaðan dag og hafa veislu á kvöldopnunartíma Nauthólsvíkur. Þá koma allir þeir sem vilja með köku, kex, ávexti eða hvað sem er til að leggja á hlaðborð. Þetta var gert í vor og tókst mjög vel. Sjór hvetur alla til að vera með.

Fyrsta opna keppnismótið í „sjódýfingum” verður haldið næstkomandi miðvikudag 8. september, í Nauthólsvík . Stokkið verður fram af klettinum og lent í haffletinum sem mun verða nálægt stórstraumsflóði. Keppt er í opnum flokki og öll kyn, öll þjóðerni, allur aldur og öll getustig eru gjaldgeng til keppni.

Frá og með deginum í dag 1. september hefst vetraropnun Ylstrandarinnar. Opið verður á mánudögum kl. 17.00 - 19.00, miðvikudögum kl. 11.00 - 13.00 og kl. 17.00 - 19.00 og á föstudögum kl. 11.00 - 13.00.

Sú nýjung er nú í boði á Ylströndinni að hægt er að leigja hið klassíska og sískemmtilega spil Kubb. Nú er um að gera fyrir fjölskyldur eða hópa að mæta á ströndina, sleikja sólina (því hér er nánast alltaf gott veður), etja kappi í Kubbi og njóta þeirra sumardaga sem eftir eru. Hér er um að ræða bæði hinn klassíska Kubb, sem og "Number"-Kubb.

Síðastliðin laugardag, þann 24. júlí, fór fram íslandsmótið í Strandhandbolta hér í Nauthólsvík. Alls voru 16 lið skráð til leiks, 8 kvennalið og 8 karlalið. Á mótinu mátti sjá nokkur þekkt handboltaandlit eins og Bjarna Fritzson, Sturlu Ásgeirsson, Björgvin Hólmgeirsson og Hrafnhildi Skúladóttur.

Það lék veðurblíða um landann síðastliðna viku og fjöldi fólks nýtti sér góða veðrið til þess að sóla sig í blíðunni hér í Nauthólsvík. Ljósmyndarar Ylstrandar skelltu sér út á meðal fólksins með myndavél og smelltu af nokkrum myndum, en afrakstur þess má sjá í myndasafni.

Mánudaginn 12. júlí fóru klúbbarar í Siglunesi í kajakferð, ferðinni var heitið í Kópavog og þar fengu þeir sér flugferð af bryggjunni í höfnina. Steinar ofurklúbbastarfsmaður gerði myndband um athæfið sem hægt er að sjá það hér: http://www.youtube.com/watch?v=6AfHoDqp3QE Almennileg skemmtun þetta ;)

Blaðamaður netmiðilsins Vísis átti leið um Ylströndina nú í morgun og átti létt spjall við tvo af starfsmönnum Ylstrandarinnar, þau Torfa og Heiðu. Áhugasömum er bent á að heimsækja http://www.visir.is/rennandi-blaut---myndband/article/2010289182066 og sjá hvað þeim fór í milli.

Nú býður Ylströndin gestum og gangandi að leigja eina af hinum geysivinsælu finnsku Muurikka pönnum. Pannan er leigð út með gasbrennara og gaskút og er leigugjaldið á hvern klukkutíma einungis 1000 kr.-

RISA SUMARHVELLUR Í NAUTHÓLSVÍK Á MIÐVIKUDAG STÓRTÓNLEIKAR, SEGWAY RALL, PYLSUR OG DRYKKUR HANDA ÖLLUM. FOSSVOGS SJÓSUND OG STRANDFÓTBOLTI Sumarhvellur Kanans og Símans verður á ferðinni í Nauthólsvík / Ylströndinni á miðvikudag frá 16:00 til 19:00. Dagskráin verður ekki af verri endanum. Það verða Risa útitónleikar með hljómsveitunum og söngfólki. Meðal þeirra sem koma fram eru Elektra, Jónsi í Svörtum fötum, Haffi Haff, Íslenska Sveitin, Friðrik Dór, Skítamórall, Buff strákarnir, Jón Jónsson og Magni.