Skíðasvæðin

Á sumrin er starfræktur siglingaklúbbur í Siglunesi fyrir unglinga á aldrinum 13 - 16 ára. Góð þátttaka var sumarið 2009 og var lokadagurinn myndaður og tekin saman í glæsilegt myndband sem við höfum birt á You tube. Endilega skoðið tengilinn http://www.youtube.com/watch?v=H3RTu7xjdIo hlökkum til sumarsins 2010 með meira klúbbafjöri.

Mikill fjöldi fólks lagði leið sína í þjónustuhús Ylstrandar á Nýársdag til að takast á við ískaldan sjó. Fólk ýmist synti eða brá sér í ljúft sjóbað. Hitastig sjávar á Nýársdag var rétt um -1,7 °c sem kom ekki í veg fyrir mikla aðsókn en fjöldi gesta var rétt í kringum 300. Aðsóknin er orðin svo mikil að opnunartími Ylstrandar á Nýársdag þarf að koma til endurskoðunar svo að fleirri geti notið þess.

Starfsfólk Siglunes og Ylstrandar vill þakka öllum sem lögðu leið sína í Nauthólsvík á árinu 2009. Þar höfum við boðið uppá siglinganámskeið, siglingaklúbba, skemmtisiglingar, bátaleigu, sjóböð og ýmsa útivista fyrir alla. Vonumst við til að sjá sem flesta á árinu 2010, við munum gerar okkar allra besta við að veita góða þjónustu. Með hlýnandi veðurfari í heiminum gerir starfsfólk Nauthólsvíkur ráð fyrir mörgum góðum sólardögum á komandi sumri. Kveðja, starfsfólk Nauthólsvíkur.